Saame 't 57e Kundesje carnavalssezoen oapene !

Leef vasteloavesgekke,

Carnaval 2011.... 't liek nog wiet weg, mer achter de sjerme weëd al hel noagedach uuver 't theema en alles wat doabiej huurt. Dit um d'r wer inne fantastische Kundesje vasteloavend van te maake! Zoeëe is och de oapening van 't nuuj sezoen al aan bod gekoame. Die zal dit joar in 'n get anger jeske weëde gesjtoake. CV De Kaatboere, carnavalsgroep Werm Onger De Erm en jeugdcarnavals-comité De Kaatbüürkes zulle saame vuur inne knallende sjtart van 't gezelligste sezoen van 't joar zurge. en natuurlijk wille vieër doa gans Kunder en omsjtreeke geer bie hubbe! Jiekerinne zal op dit moment nog mië dinke aan zjwumbrook en bikini es aan d'r vasteloavend, mer vieër wille uch toch al vas d'r datum loate weete. Dan kint dieër dem (en d'r daag doanoa um bie te komme) al "aafblokke" in uche agenda.

Dus noteer sjnel: Zoaterdig 13 november 2010

Noa d'r zoeëmer komme veer bie uch trük mit mieë detajls. Vuur noe: eneet van d'r zoeëmer, woa dan ooch op de weëld!

Nieks sjunder wie Kunder !

CV De Kaatboere - Carnavalsgroep Werm Onger De Erm - Jeugdcarnavalscomité De Kaatbüürkes