2010 - Seizoen 56 - Prins Freek I (Timmermans)

Ich Freek d’r ieësjte bie de graasie van uch, mien leef Kaatboerinnekes en
Kaatboere, zal ‘t ganse joar 2010 mit ‘t allergroeëtste plezeer regeere uëver
‘t Groeët Domein van de Kaatboere, ee domein, dat zich oetsjtrekt van Gelinge-
loof tot aan d’r Marehook en van Winthaage tot aan ‘t Gemeentehoes.

Alzoeë maak ich aan uch leef luuj, de volgende elf punte bekint:

Punt 1 . ----- Ooch in oos 56e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje meneer !

Punt 2. ----- De Kaatbuurkes deege ’t al mieë es ins,
noe hubbe och de Kaatboere inne Kundesj Heem-prins !

Punt 3. ------ Kaatboerinnekes en anger sjoeën vrouwluuj, dit is de kans van uch leëve,
ich hub mie prinselik Valentienshart nog te vergeëve !

Punt 4. ----- Omdat ich in deens bin biej L1-tillevizie, afdeeling Reklaam,
bezurg ich d’r Oad-Prinse-oavend nog mieë naam en faam !

Punt 5. ----- Buurtvereeniging Kundesj Heem wit immer veuël d’r hin te maake,
dit joar kin men zich mit ’t seere van de buurt vermaake !

Punt 6. ----- D’r voetbalclub van Gen Berg zit noe ech neet mit gebakke peere,
es prinselikke kieper bin ich in de goal neet te passeere !

Punt 7. ------ D’r gemeenteroad hat ’t trefcentrum Kunderhoes loate valle,
dat zal de Kundesje keezers op 3 mieërt zieëker neet bevalle !

Punt 8. ------ Bewoeëners van d’r Valkenburgerweëg, dit joar geet ’t ech gebuure,
noa 55 joar trikt d’r carnavalsoptoch eindelik langs éúch duure !

Punt 9. ------ Ich vroag doarum d’r Roger van “De Pintelier” om es blieëk van dank,
tijdes d’r optoch de luuj langs de sjtroat te trakteere op gratis drank !

Punt 10. ----- Pesjtoeër Harry Brouwers wit nog ummer iekerinne te verbaaze,
noeë lieëet heë zien kudde achter de parochiekirk va Kunder graaze !

Punt 11. ----- Omdat ’t mit de kwaaliteit van d’r gemeenteroad zoeë matig is gesjteld,
hub ich miene wieze Raad van Elf vuur de verkeezinge aangemeld !

     
« terug

Onze Facebookpagina: