2011 - Seizoen 57 - Prins Wim I (Leunissen)

Ich Wim d’r ieësjte bie de graasie van uch, mien leef Kaatboerinnekes en
Kaatboere, zal ‘t ganse joar 2011 mit ‘t allergroeëtste plezeer regeere uëver
‘t Groeët Domein van de Kaatboere, ee domein, dat zich oetsjtrekt van Gelinge-
loof tot aan d’r Marehook en van Winthaage tot aan de plek woe ’t gemeentehoes sjting !

Alzoeë maak ich aan uch, leef luuj, de volgende elf punte bekint:

Punt 1 . ----- Ooch in oos 57e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje meneer !

Punt 2. ----- Naamgenoot Patrick is es wethouder in ’t gemeentehoes aan de mach,
mer in Kunder verteegenwoordig ich noe ee joar lank ’t gezag !

Punt 3. ----- Teëge alle Kaatboerinnekes, die nog uuver inne maan loope te dubbe,
wil ich zikke: Let op ! Dizze Kundesje prins is nog ummer te hubbe !

Punt 4. ----- Al zitte mien ex-kolleegaa’s midde in umkoopsjandaale,
ich bin noe prins zónger dat ich de Kaatboere get hub motte betaale !

Punt 5. ----- Miene hobby mountain-biken is mien lust en mie leëve,
dit joar num ich miene Road van Elf mit, dan kinne ze pas ech get beleëve !

Punt 6. ----- Oppositie-partije in d’r gemeenteroad, gebroek euch versjtand,
en roop neet biej ieker koaalissie-vuursjtel “moord en brand” !

Punt 7. ----- Ich bin aktief lid van d’r carnavalsgroep De Knoddelaere,
deë groep mot noe ee sezoen lank zonger mich opereere !

Punt 8. ----- ’t Afgebrende gemeentehoes is vuur de Naate puure uuvermach;
ich sjtel ’t Brandhuuske vuur es plaatsj vuur d’r sjluuëteluuverdrach !

Punt 9. ------ Buurtvereeniging Kundesj Heem kin de buurt weer verseere,
ich bin benuujd of men noe nog mieë es in 2010 wit te presteere !

Punt 10. ----- Omdat ich de Oad Prinse es groep biej mien proklamaassie-act miste,
reëken ich op ’n sjpesiaal optreede van hun in de diensdigmiddig-piste !!

Punt 11. ----- Lestige wethouders, die alling ‘t woeëd “risikoo” kinne, komme en ……… goan,
mer ‘t trefcentrum Kunderhoes blief ummer besjtoan !

     
« terug

Onze Facebookpagina: