2018 - Seizoen 64 - Prins Harrie II (Pluijm)

Ich Harrie d’r twieëde bie de graasie van uch, mien leef Kaatboerinnekes en Kaatboere,
zal ‘t ganse joar 2018 mit ‘t allergroeëtste plezeer regeere uuver ‘t Groeët Domein van
de Kaatboere, ee domein, dat zich oetsjtrekt van Gelingeloof tot aan d’r Marehook en
van Winthaage tot aan ‘t nuuj gemeentehoes! Alzoeë maak ich aan uch, leef luuj, de volgende elf punte bekint:
 
Punt 1 . ----- Ooch in oos 64e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje maneer!
 
Punt 2. ----- Kaatboere-prins weëde in ’t sjpoor van Max Versjtappe,
’t Kostte gans get meujte um dat neet van te vuure te verklappe!
 
Punt 3. ----- Dochter Esther woar tien joar geleeje es jeugdprinses van de partie,
ich wil heur vuur sjpesiaale advieze an mieng zieej!
 
Punt 4. ----- Al hat Volleybal Club Voelender op dees maneer wer inne prieës binne,
toch draag ich ze op um ooch in de kompetissie nog gans get te winne!
 
Punt 5. ------ De sjutterie brach mit ’t ZLF hieël veuël sjpass en plezeer,
hoapelik is d’r de volgende kieër ooch genoog beer!
 
Punt 6. ----- Demokraate Voelender, wethouder Patrick ging vuur uch verloore,
mer zurg d’r vuur, dat dieër ooch noa hem veuël sjtummers blieft bekoore!
 
Punt 7. ----- De Kaatbuurkes motte ’t noe ee sezoen zonger mich es penningmeester sjtelle,
en dus op zeuk goan noa iemes angesj um de penninge en cente te telle!
 
Punt 8. ----- Burgemeester Houben hat vuurig joar twieë kieër d’r voeëgel aafgesjoate,
durch verplichtinge weëd ’t gemeentehoes in de weëk van ’t OLS gesjloate!
 
Punt 9. ------ De Oad Prinse zind biej ’t verseere van prinsehoeëzer tot gans get in sjtoat,
dit joar kinne ze vuur ’t ieësj an de geng in de Henri Jonassjtroat!
 
Punt 10. ------ De Hoeskamerzitting weëd inne opdrach vuur de leede van CV Nog Inne,
ich verwach van hun, dat ze dan loate zieën, wie ze zinge en akteere kinne!
 
Punt 11. ----- De luuj oet Eekenderveld zulle noe zieëker hieëlemoal neet treure,
eindelik in Kunder inne prins, geboore in ’t rieëk van de Eekheuere!
 
NIEKS SJUNDER WIE KUNDER, ALAAF !

     
« terug

Onze Facebookpagina: