2017 - Seizoen 63 - Prins Jordy I (Delsing)


Ich Jordy d’r ieësjte bie de graasie van uch, mien leef Kaatboerinnekes en Kaatboere, zal ‘t ganse joar 2017 mit ‘t allergroeëtste plezeer regeere uuver ‘t Groeët Domein van de Kaatboere, ee domein, dat zich oetsjtrekt van Gelingeloof tot aan d’r Marehook en van Winthaage tot aan ‘t nuuj gemeentehoes ! Alzoeë maak ich aan uch, leef luuj, de volgende elf punte bekint:

Punt 1 . ----- Ooch in oos 63e joar maake vieër oos motto woar: Weëste ooch bis of wieste ooch hits: Maak sjpass en plezeer ........... op de Kundesje maneer !

Punt 2. ----- ’t Woar ’n kwestie van eindeloos geduld, mer noe is miene prinsewunsj dan toch vervuld !

Punt 3. ----- Nonk Leo I woeëd in 1990 oetgeroope es inne Egyptische faraoo, 27 joar laater sjprong ich oet ee ontploft kadoo !

Punt 4. ----- D’r Scoutinggroep Nuth hooft zich ging zurge te maake, ooch es prinselikke hoeëgheed vervul ich al mien taake !

Punt 5. ------ Leef Kaatboerinnekes reageer hieël gauw en doot mit an “Kaatboereprins zeukt vrouw” !

Punt 6. ----- De luuj oet mien woeënbuurt zind tot hieel veuël in sjtoat en toovere d’r Bongerd vas um tot ’n echte prinsesjtroat !

Punt 7. ----- Miene vasteloavesgroep “Sjeive Weag” mot zich get loate invalle, mit mich es prins is dit joar DE kans om in Kunder op te valle !

Punt 8. ----- Burgemeester Wil Houben is noa ’t eind van de welt verkast Hoapelik weëd ooch van doa-oet good op d’r gemeentewinkel gepast !

Punt 9. ------ Oad Prinse, sjteëkt dit joar uch heng ‘ns ekstra oet de moewe en maakt planne um vuur mich ee prinselik palieës te boewe !

Punt 10. ------ In d’r optoch moag d’r Joost Loop eenmoalig biej d’r Road van Elf, want d’r traktor vuur miene prinsewaage besjtuur ich ’t lieëfste zelf !

Punt 11. ----- Kaatboere-ikoon Grêt Schreijen is noa Voelender geëmigreerd en weëd noe midde in ’t hart van ’t Naate-riek geïntegreerd !

NIEKS SJUNDER WIE KUNDER, ALAAF !


     
« terug

Onze Facebookpagina: