2016 - Seizoen 62 - Prins Jasper I (Vliex)


Ich Jasper d’r ieësjte bie de graasie van uch, mien leef Kaatboerinnekes en Kaatboere,
zal ‘t ganse joar 2016 mit ‘t allergroeëtste plezeer regeere uuver ‘t Groeët Domein van
de Kaatboere, ee domein, dat zich oetsjtrekt van Gelingeloof tot aan d’r Marehook en
van Winthaage tot aan ‘t nuuj gemeentehoes !

Alzoeë maak ich aan uch, leef luuj, de volgende elf punte bekint:

Punt 1 . ----- Ooch in oos 62e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje maneer !

Punt 2. ----- Al zoot deere-oppasser Leo biej de proklamaasie mit de heng in ‘t hoar,
ginne paniek …… ich maak mieng rol es nuuje prins van Kunder zieëker woar !

Punt 3. ----- De luuj van de drumbend hubbe al wer ’n goej reeë um urges op te drinke:
twieë joar achteree d’r Kaatboere-prins lieëvere; weë hoaw dat kinne dinke !

Punt 4. ----- De Oad Prinse hubbe biej de proklamaasie gesjitterd es pinguins en aape,
mer op vasteloaveszoaterdig kinne de luuj zich pas ech aan hun vergaape !

Punt 5. ------ Leef Kaatboerinnekes, doot euch bes om mie hart te bekoore,
dan goan ich in de toekomps neet vuur Kunder verloore !

Punt 6. ----- Leede van d’r gemeenteroad zurgt neet wer vuur ee zootje ongereegeld,
hoapelik weeëd de zittende koalissie neet vuurtiedig umver gekeegeld !

Punt 7. ----- Es d’r mit vasteloavend ieëmus de bieës wilt oethange,
weeëd heë durch miene wieze Road van Elf d’r neëve gehange !

Punt 8. ----- Leede van miene vasteloavesgroep “Sjuuf ‘m d’rin !”, num uch dus in ach,
in punt 7. is uch op neet mis te versjoane maneer de wach aagezag !

Punt 9. ------ Ich verwach van Hub Stassen, dat heë dit jaar waal zien opwachting zal maake,
en op de Hoeskamerzitting Kunder mit de buut van “D’r Tiroler” zal vermaake !

Punt 10. ------ Kundesj Heem is dit joar mit ’t verseere van de buurt vas sjnell kloar,
dat kin ooch neet angesj mit mich es veerde prins in zieëve joar !

Punt 11. ----- Burgemeester Wil Houben is biej biezongere evenementen neet weg te sjloan,
doarum roop ich hem op um dit joar ooch mit d’r optoch mit te goan !

NIEKS SJUNDER WIE KUNDER, ALAAF !

     
« terug

Onze Facebookpagina: