2015 - Seizoen 61 - Prins Frank I (Eggen)

Ich Frank d’r ieësjte bie de graasie van uch, mien leef Kaatboerinnekes en Kaatboere,
zal ‘t ganse joar 2015 mit ‘t allergroeëtste plezeer regeere uuver ‘t Groeët Domein van
de Kaatboere, ee domein, dat zich oetsjtrekt van Gelingeloof tot aan d’r Marehook en
van Winthaage tot aan ‘t nuuj gemeentehoes !

Alzoeë maak ich aan uch, leef luuj, de volgende elf punte bekint:

Punt 1 . ----- Ooch in oos 61e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje meneer !

Punt 2. ----- De Kaatboere hubbe vuur de zoeveulste kier hun grenze forsj verlag,
en hubbe toen meteen aan mich en mien Kundesje vuurouwesj gedach !

Punt 3. ----- Vuur de drumbend van de “David” ee al joare gewunsjt vizioen:
inne prins lieëvere en ooch nog in de persoeën van inne drumkampioen !

Punt 4. ----- Vuur de jonger luuj zonger polsbendje is beer drinke inne dreum vuur laater,
mer doarum hant ze dit joar waal nog ginne las van inne kaater !

Punt 5. ------ Aan skieje in ozze eege Kunderberg hat nog noeëts iemes gedach,
mer in mie regieringsjoar weëed doa ’n roeëd-zjwatte piste aangelag !

Punt 6. ----- Oposissie-partiej PvdA blief teëge “ ’t honderdje van Leunissen” protesteere,
biej kommende verkeezinge zulle ze zoeë ’n veuël hoeëgere reëkening riskeere !

Punt 7. ----- De harmonieje “Joep” en “David” zind jus op tied begonne mit repeteere,
angesj heije de muzikante beëter direk biej ‘t senioore-orkes kinne sollisiteere !

Punt 8. ----- Es de gemeente-ambtenaare zich in de nuuj WMO-reegels zoawe versjlikke,
zal ich ze miene road es deskundige ongersjteuning sjikke !

Punt 9. ------ De Oad Prinse hubbe noe ee probleem: Zie komme mie hoeës verseere,
mer motte ieësj zurge, dat de Naate de sjtroat neet blokkeere !

Punt 10. ------ Ich verwach van buutteredner Hub Stassen dat heë zonger blikke of blooze
op de Hoeskamerzitting zal optreede es d’r Tiroler in leeder hoose !

Punt 11. ----- Terwiel ’t d’r Onno Hoes mit Mesjtreechse kontakte slech is vergange,
is hiej burgemeester Wil Houben mit oape erm in ‘t Kunderhoes ontvange !

     
« terug

Onze Facebookpagina: