2014 - Seizoen 60 - Prins Knud I (Meessen)

Ich Knud d’r ieësjte bie de graasie van uch, mien leef Kaatboerinnekes en Kaatboere,
zal ‘t ganse joar 2014 mit ‘t allergroeëtste plezeer regeere uuver ‘t Groeët Domein van
de Kaatboere, ee domein, dat zich oetsjtrekt van Gelingeloof tot aan d’r Marehook en
van Winthaage tot aan ‘t nuuj gemeentehoes !

Alzoeë maak ich aan uch, leef luuj, de volgende elf punte bekint:

Punt 1 . ----- Ooch in oos 60e joar maake vieër oos motto woar:
Weëste ooch bis of wieste ooch hits:
Maak sjpass en plezeer ........... op de Kundesje meneer!

Punt 2. ----- De Kaatboere dachte biej ’t teema wat van verre kumpt is sjunder,
en dat terwiel ich gewoon op hun zoot te wachte hiej in Kunder!

Punt 3. ----- Biej de Kaatbuurkes woar ich joarelank prezident,
biej de Kaatboere bin ich met de rol van prins kontent!

Punt 4. ----- D’r pap, oad prins Frans I, hat d’r joare op ligge koekeloere,
noe zind eindelik beide zoeëne prins biej de Kaatboere!

Punt 5. ------ Miene vuurganger hoaw zien hart aan ’n Russische verpand,
dat van mich is biej Petra van de Vlavreetere beland!

Punt 6. ----- Es voetballer sjpieël ich mien partie biej Voelender-driej,
mit mich es prins d’rbiej geet noe iekere teëgesjtander opziej!

Punt 7. ----- Cv “Op d’r lolly !” kreeg vuurig joar van de Naate inne prins,
dít joar loat ích ze zieë wies te in Kunder vasteloavend viere kins!

Punt 8. ----- Oppozietsie in d’r gemeenteroad, sjei oet mit al die negatieve kuure,
weë wit wat angesj mit uch biej de verkeezinge geet gebuure!

Punt 9. ------ De Oad Prinse hubbe al gans get kieëre in de Kundergats motte verseere,
hoapelik doont ziej dat noe och wer, angesj zit ich mit de gebakke peere!

Punt 10. ------ Ich regel via miene baas van “De Keuëke va Limburg” gans get frikandelle,
zoeëveuël, dat noa de carnaval, ginne die nog kin telle!

Punt 11. ----- Wethouwer Annie hat zich durch d’r golfklub wie inne kleuter loate behandele,
en doadurch moag gee minsj mieë uuver d’r Hoovervootpad goan wandelen!

     
« terug

Onze Facebookpagina: